Sede electrónica
INICIO DA TRAMITACIÓN DUN EXPEDIENTE
Para iniciar un expediente desde a sede electrónica do Concello de Lugo é preciso acceder á sección Catálogo de procedementos habilitados.
Identificado o tipo de expediente é posible:
A ficha detallada inclúe unha descrición do obxecto, condicións de tramitación e demais características do procedemento. E nela ofrécese tamén unha ligazón para iniciar o trámite.
A continuación descríbese o proceso asociado a este inicio de trámite.
No caso de que non se estea autenticado na plataforma, ao pulsar en Iniciar Trámite accederase á xanela de identificación ante a sede electrónica.
Unha vez completada a autenticación accédese a unha pantalla na que se mostran unhas instrucións de como avanzar ao longo da tramitación.
Para comezar é preciso pulsar no ligazón Solicitude ou en Iniciar Trámite. Alternativamente pódese abandonar o proceso facendo clic en Saír .
O primeiro paso corresponde ao acceso ao formulario do procedemento. Para iso na xanela que se mostra débese pulsar na ligazón ao formulario.
Ademais, dúas iconas permiten coñecer se o formulario é de obrigado cumprimentado e se se cubriu xa ou non.
Accédese entón ao formulario que debe cubrirse.
Nel os datos do titular aparecen cubertos a partir da información do certificado usado para autenticarse ante a sede electrónica.
Pola súa banda, os campos obrigatorios márcanse cunha cor diferenciada.
Unha vez cuberto o formularios débese pulsar en Gardar e continuar.
Ao facelo a sede mostrará unha mensaxe de confirmación, e volverase á xanela do asistente de tramitación, onde o usuario deberá Gardar e Continuar para avanzar ao seguinte paso.
O seguinte paso marcado polo asistente de tramitación é o anexado de documentos á solicitude.
Estes documentos deben cumprir as seguintes condicións:
Para realizar a carga é preciso pulsar na ligazón Engadir documentos adicionais.
Isto levará a un formulario cos seguintes elementos:
Finalizada a carga dos ficheiros é posible continuar á seguinte fase da tramitación, que consistirá en confirmar a presentación da instancia asinando electronicamente a tramitación.
Neste caso o asistente mostra un resume da solicitude (que inclúe os datos dos solicitantes, os documentos achegados e o arquivo da propia solicitude) e unha ligazón para asinar e enviar a solicitude.
Para realizar esta firma, e a fin de evitar as limitacións que a navegadores web impoñen ao uso de tecnoloxía Xava, utilizarase o programa AutoFirma da Adminsitración Xeral do Estado que o usuario poderá instalar no seu equipo.
Cando a tramitación conclúa con éxito, a sede electrónica ofrecerá un xustificante da devandita presentación no Rexistro Electrónico do Concello, que incluirá datos como os nomes dos ficheiros anexos, unha pegada ou hash do contido de cada ficheiro anexo, o código de verificación do documento (CSV) ou o número de rexistro xerado no rexistro do Concello de Lugo.